Kuba Ite Tandok Patah

ngepek

Kalu ore lain sume salah. Sume jahat. Sume tak kena. Kalu dia molek belako. Apo nasia nih. Karawale pati mace mace. Sapa kemat kah baru nak bereti. Maksiak pati tak habih sokmo lah kalu lagu nih. Puak puak nih tak pikir weh. Ore dok mikir pitih kohor kure. Dia pulak pikir nak tambah kuasa dia jah. Puak puak demo nih tak sie koh ko rakyak marhain ni.....?

.

Kalu ore lain sume salah. Baru nih dia nak kere ADR BN buleh. Nya gi sapa ko Taiwan. Tak ape. Dia kata tu kebebase. ADR buleh pilih sapo hok molek. Sapo hok dia nok sokong. Pati mana banyak jasa. Pati mana bela rakyak. Mace mace alase dia reka. Baru nih ADUN UMNO tubit pati dan masuk pati dia di Perak. Buleh..... tu demokrasi dia kata. Sebab ada kepentenge dia.

Kalu ore lain sume salah. Allah maha kuasa. Nya teh pulak 3 ore kaliguh tubik pati dia. Buke masuk mana pati pun dalam BN. Baru jadi ADUN Bebah. Kuca bojen dah. Jadi pening relu. Mutar itek. Napak mace mabok todi dah. Sokak nampak ada lagi atah pala. Otak jah mereng sikit. Tak leh nak mikir. Tak tau dah hak mano beto. Hok mano salah. Tengok keluluse molek kat lah ...Ir nah. Bila kena ujian Allah.....ilmu tak tau pah mano. Terimalah denge syuko. Tu Allah dah tentuke. Alhamdulillah...... Rakyat lebih susah dari demo lagih weh. Kalu takdir kena benti MB bentilah. Ba.....lah dok tambah fitnah situ, hasok sini. Biar demo sore jah mutar, jange lah nak ajak dan palik pulak ko rakyat retek.

Kalu ore lain sume salah. Tak pade nge BMB (bekah MB) gelabah tuh. Tambah pulak 3 ore lagi .... koho besar peningnya. Sore penasihat pati. Sore Presiden pati.....mutar besa jubah laboh. Sore raso mace ketua pati jugak si mamat mata repet tu...Biarlah ikut dia lah. Ratam 3 ore sokong BMB tuh biar jange letak jawate. Tak letak guano weh ..... demo ado 28. Ore lain 28 + 3. Mano banyok. Suruh buba dewe lagi. Marin demo 3 dan 1 tuh dah buat keputusan. Ari nih baru nak buba. Mana lebih duluh......!!! Budak jah satu pon panda kiro. Ni puak puak Ir, Tok guru, pakat Dato' seri lagi tuh tak panda.

Itulah dunia.....lupa akhirat. Kalu untung ko demo bereh. Kalu rugi. Tentu salah. Tentu haram. Tentu zalim. Tentu Rasuah. Tentu salah guna kuasa. Tentu REPOT POLIH. Ni lah pangai puah nih. Sede meresak di negera kita. Bak kata pesene ore tua....."WAHARAMUM KALU MAKE SORE, WAHALALOM KALU BAGI DUA". Sekie.

.....haibasa.....